Mentors van Crossroads Prison Ministry (CPM)

 Hier ontvang die mentor, na persoonlike keuse, weekliks een of meer lukrake gevangen se weeklikse werkstukke, om dit teen ‘n model antwoord te merk. Die werkstuk word dan geëvalueer teen vasgestelde standaarde. Die mentor skryf dan ‘n een-bladsy brief van bemoediging aan die gevangene.

Waar die projek uitstekend by ons pas, is die feit dat mentors enige tyd kennis kan gee om tydelik nie werkstukke te ontvang nie weens ander verpligtinge. 

Strand sorg uitreiking na Huis Pam Brink

Elke alternatiewe week word een of meer, na jou keuse, bejaardes in Huis Pam Brink besoek. Die bejaardes word permanent aan die vrywilliger toegeken.

As mens geforseer word om jou bekende omgewing te verlaat is dit emosioneel dramaties. Baie ou mense word verder deur hul kinders en familie afgeskeep, as gevolg van afstand, werksdruk en ander verpligtinge. Hulle waardeer enige kuier.