Welkom by Doxa Deo Helderberg

Doxa Deo Helderberg Kampus, saam met al die ander Doxa Deo kampusse regoor die wêreld, droom daaroor dat ons stad getransformeer sal word na ‘n plek waar God regeer.  By Doxa Deo glo ons dat elke persoon wat deel vorm van ons kampus (gemeente), geroep is om nie net ‘n vennoot (lidmaat) van Doxa Deo te wees nie, maar ‘n wesenlike verskil in ons pragtige stad sal maak.

Ons fokus op hierdie ag sfere van die samelewing:  Kerk, Media, Kunste, Opvoedkunde, Sport, Sosiale Dienste, Sakewêreld en Regering. Ons wil graag deur ons Sondagdienste, Life groups (selgroepe) asook die talle kursusse en geleenthede wat weekliks aangebied word, vir elke vennoot die platvorm bied om ten volle toegerus te word om ‘n City Changer in sy/haar sfeer van invloed te wees. Ons doen dit deur ons mense te leer om God te ken, ‘n passie vir mense te hê en om ‘n impak in ons omgewing te hê.

Tyd & Plek

Erinvale Hotel

Nr 1 Erinvale Road, Somerset West

8:30 & 10:15

Sondagdienste

Vanaf 14 Februarie 2021 gaan ons weer begin met dienste by Erinvale Hotel. Daar sal 2 dienste wees elke Sondag met ‘n maksimum van 50 mense per diens.

Eerste Diens: 08:30. Dit is ook by hierdie diens waar ons ons Doxa Deo Kids sal bedien.

Tweede Diens: 10:15.

Dit is BAIE BELANGRIK dat jy asb per persoon asook per kind sal registreer.

Ons aanlyn dienste sal ook steeds beskikbaar wees op YouTube, Facebook en ons webtuiste.

Skakel gerus ons kantoor by (021) 110-0590 vir enige inligting of indien daar enige onsekerheid is.

Demografie

Vanaf 14 Februarie 2021 kom ons bymekaar by Erinvale Hotel.

Daar sal 2 dienste wees:

Eerste Diens: 08:30 (By hierdie diens sal ons ook ons kinders bedien)

Tweede Diens: 10:15

Adres:

Erinvale Hotel

Nr 1 Erinvale Road

Somerset Wes

Wat Om Te Verwag

Ons as Helderberg kampus wil  ontdek wie ons in God is en waaroor  lewe werklik gaan.  Ons wil  graag  lewe deel, daarom is dit ook belangrik om by ‘n groep in te skakel.  Ons het ‘n passie vir God, ‘n passie om te sien hoe God in en deur mense werk en kyk met verwagting hoe die Koninkryk  van God in ons Helderberg omgewing gevestig gaan word.

Waarom Vennootskap?

Die woord “lidmaat” het ‘n bepaalde historiese agtergrond wat nie altyd die hart van lidmaatskap vasvat nie. Om hierdie rede het ons gaan soek na ‘n meer relevante begrip. Die Bybel gebruik baie idiome wanneer daar na die gemeente verwys word. Daar word onder andere gepraat van die gemeente of Kerk as ‘n liggaam, ‘n gebou of ‘n familie. Die kernbeginsel impliseer  totale betrokkenheid.  Jy kan nie deel vorm van ‘n liggaam (soos ‘n vinger aan ‘n hand) en dan geïsoleerd van die liggaam funksioneer nie. ‘n Hedendaagse begrip wat hierdie totale betrokkenheid impliseer is die begrip “Vennootskap (Partnership)”.

Hoe word ek 'n Vennoot (Lidmaat)?

Ons wil graag hê dat jy meer as net ‘n besoeker by ons sal wees.  Ons wil ons stad verander met vennote wat glo in die droom dat God se Koninkryk in die Helderberg omgewing gevestig kan word. Indien dit jy is, kontak ons kantoor by (021) 110-0590 of Carol-Anne du Preez by 073 290 5046

Ons Personeel


Hendré van Heerden

Louise van Heerden

Zelda Coetzee

Qulene van Wyk

Hennie Viviers

Antoinet Viviers

Hennie & Antoinet Viviers

Carol-Anne du Preez

Francois Boyce

Anthony Steel

Christina Bosch


BEWEEG VERBY SUKSES NA BETEKENISVOLHEID