Die Kerk van Jesus word op baie maniere in die Bybel beskryf (bv. ‘n weermag, ‘n geestelike gebou, ‘n bruid of ‘n liggaam). Nie een van hierdie beskrywings is iets wat jy kan bywoon nie. Dit is ‘n verbintenis waarvan jy deel is. Die een manier wat jou deelname in die Bybel beskryf word is met die woord “Koinonia”. En hulle het volhard in die leer van die apostels en in die gemeenskap (Koinonia) en in die breking van die brood en in die gebede. Handelinge 2:42 

Koinonia dui op twee dinge: “Fellowship” en “Partnership”. In Filippense sê Paulus vir God dankie vir die gemeente se gemeenskap (Koinonia) aan die evangelie (Filippense 1:5). Hulle het op verskeie maniere saam met Paulus gewerk in en vir die Evangelie. Gemeenskap is dus ook vennootskap en ‘n vennootskap is nie iets wat jy kan bywoon nie. Jy is ‘n Vennoot. Daarom praat ons in Doxa Deo Tuinroete van Vennote.