Daar is baie situasies in die lewe wat die wind uit ons seile slaan. Die Life Centre bied gespesialiseerde en gefokusde areas van bediening vir die van ons wat deur moeilike tye gaan. Ons begeerte is om te sien dat elke mens weer voluit sal lewe en in kwaliteit verhouding met God en jou naaste sal leef.

Ons bied die volgende dienste aan

Ek Wil Voluit Lewe

Ek Het Berading Nodig
Ons het opgeleide beraders wat jou kan ondersteun en begelei deur jou moeilike tye.
Kontak gerus vir Charlene om ‘n afspraak te maak met een van ons beraders, by 012 111 9727 of  [email protected]

Ek Gaan Deur ‘n Moeilike Tyd

As jy deur ‘n moeilike tyd gaan, wil ons Bemoedigers jou graag ondersteun. Vul die clipboard in tydens die diens of stuur ‘n e-pos na [email protected]. Ons sal jou so gou as moontlik kontak.

 

 

SoulCare

SoulCare is nie ‘n beradingsessie nie. Dit is ‘n gefasiliteerde tyd van interaksie tussen ‘n individueel en God (Vader, Seun en Heilige Gees). Die gefokusde uitkoms van die SoulCare sessie is om vryheid en restorasie te beleef. SoulCare is om effektiewe innerlike genesing te ervaar. Dit handel met die wortel van dit wat ons verhinder om in ‘n intieme verhouding met God te beleef. Gedurende die sessie word die leuens wat ons aanvaar het met die waarheid verplaas. Die waarheid stel ons in staat om volheid te leef in ons identiteit in Christus.

SoulCare sessies word gefasiliteer deur opgeleide vennote wat nie vergoeding verdien nie.

Kliek HIER om aansoek te doen vir ‘n afspraak.

 

Kosprojek

Dit is spesifiek gemik op behoeftige gesinne in ons eie gemeente. Indien jy weet van gesinne wat behoefte het aan kos, bring dit asseblief onder die leierskap se aandag sodat ons vir daardie gesinne kan kospakkies opmaak.

Groepterapie

Ons groepterapie bestaan uit Grace For Life en Hersteldinamika. Grace for Life is n kursus wat gefasiliteer word in kleingroepe om mense te begelei na heelheid, vryheid en om met heel harte te leef. Hersteldinamika fokus op verhoudingsprobleme. Om uit te vind watter kursus hierdie kwartaal aangebied word, kontak vir Charlene by char[email protected]

Benodig jy gebed?

Ons het ‘n span van mense wat graag vir jou wil bid. Stuur gerus jou gebedsversoek na [email protected].

Ek wil graag help bedien

Ek Wil n' Verskil Maak

Bemoedigers

As jy ‘n passie het om te sien hoe ander mense herstel word, dan is die Bemoedigers die plek om jou bediening uit te leef. Reg deur die jaar bied ons opleidingsgeleenthede aan vir ons Bemoedigers sodat ons mense wat deur trauma en krisisse gaan, sinvol kan ondersteun en bemoedig.

Beraders

Ons skep graag spasie vir beraders wat hulle passie en tyd hier by Brooklyn Kampus wil gee. Indien jy jou bediening as berader hier wil uitleef kan jy ons kontak by die kerk kantoor.

Spesialiste

Ons het ‘n omvattende netwerk van sielkundiges, terapeute, psigiaters, spelterapeute en ander professionele kundiges wat ook van hul tyd gee by Brooklyn Kampus.  Indien jy ook deel van jou bediening hier wil uitleef binne jou professionele kapasiteit, kan jy gerus die kerkkantoor skakel sodat ons jou kan deel maak van ons Life Centre prosesse.

Kosprojek

Jy kan op ‘n gereelde basis ‘n verskil maak in mense se lewens deur die Kosprojek te ondersteun. Die wit emmers het ‘n lys van produkte binne in. Jy kan so ‘n emmer huis toe vat en dan vul met dit wat op die lysie staan.  Bring die vol emmer kerk toe en los dit onder hierdie Life Centre bord.  Neem dan weer ‘n leë emmer en herhaal die proses so gereeld soos wat jy kans sien.

Groepterapie

Ons groepterapie bestaan uit Grace For Life en Hersteldinamika. Grace for Life is n kursus wat gefasiliteer word in kleingroepe om mense te begelei na heelheid, vryheid en om met heel harte te leef. Hersteldinamika fokus op verhoudingsprobleme. Om uit te vind watter kursus hierdie kwartaal aangebied word, kontak vir Charlene. Ons maak staat op groepleiers en fasiliteerders om elke groep te begelei deur hierdie groeiproses. As jy al deur die groeiproses is, (of jy het al ‘n soortgelyke groeiproses deurgemaak wat jou gehelp het om genesing en herstel te kry oor die seer en teleurstellings van die verlede) dan kan jy gerus aanmeld vir diens.

Toerustingsgeleenthede

Ons bied reg deur die jaar toerustingsgeleenthede aan soos die Pastorale Beradingskursus of die Trauma en Herstel kursus.  Die meeste van hierdie kursusse word op tersiêre vlak geakkrediteer en is wonderlike geleenthede waarby ons mense wil help groei en toerus om meer effektief vir ander versorging te bied.

Hospitaalbediening

Wil jy deel word van die span wat besoek aflê by die hospitale in ons stad? Kontak gerus vir Charlene by [email protected].

Vir enige navrae aangaande die Life Centre, kontak gerus vir Charlene by 012 362 1396, of [email protected]

Praat
Met
Ons

Jou Naam (vereis)

Jou E-Pos (vereis)

Jou Telefoon

Boodskap