40 DAE IN DIE BOEK VAN JAKOBUS
Wat is die ankers wat jy in die lewe het as die lewe onstabiel raak? Waaraan hou jy vas ? Ons is in ‘n tyd waarin alles verander het en baie uitdagings beleef en dit voel asof ons stabiele lewe omvergewerp het.
Maar daar is iets, ‘n anker, ‘n hoeksteen wat nooit verander en wat ons altyd reggop sal hou en dit is ons geloof in Jesus Christus.
Ons wil jou uitnooi na ons nuwe reeks 40 Dae in die boek van Jakobus waarin ons ontdek dat ons geloof in Jesus n vaste fondament is in elke dag omstandighede. Dit is ‘n reeks van Rick Warren waartydens onderwerpe soos: hoe om moeilike tye te deurleef , keuses in moeilike tye , gewoontes wat jy ontwikkel ,geloof in tye van storms en hoe om emosioneel gesond te bly deur dit alles.
Ons gaan die reeks in ons zone saam doen, maw 5 kampusse – HOE OPWINDEND!
Maak seker jy’s deel van ‘n groep en nooi jou vriende en familie saam op hier 40 dae reis.
Die boek van Jakobus is duidelik , jy kan nie jou redding verkry deur goeie werke nie. Maar ware geloof veroorsaak dat daar goeie werk deur jou lewe plaasvind.
Jesus sê self in Mattheus 5:16 “Laat julle lig só skyn voor die mense, dat hulle julle goeie werke kan sien en julle Vader wat in die hemele is, verheerlik.”
HOE GAAN DIT WERK?
Sondae gaan ons preek oor ‘n spesifieke tema.
Vir 40 dae lank gaan ons elke dag via audio ‘n bemoedigende skrifgedeelte met jou deel op ons webtuiste en facebook-blad en ook vir jou bid.
Ons gaan elke week saamkom in aanlyn kleingroepe via ‘Zoom’ tydens die 40 dae veldtog waar ‘n omgewing geskep word waar mense kan saampraat oor die inhoud en hoe dit prakties toegepas kan word.
Om hierdie 40 dae veldtog suksesvol te laat verloop het ons manne en vroue nodig wat vir ons as gasheer of gasvrou (‘host’) kan optree om ons weeklikse aanlyn kleingroepe te fasiliteer vir 6 weke.
WAT WORD VIR VERWAG VAN SO ‘N GASHEER OF GASVROU “host”.
- Dat jy jouself beskikbaar stel vir 6 weke. 1 Aand per week.
- Internet moet beskikbaar wees. Genoeg data vir 45 min elke week.
- Rekenaar of Tablet.
- Laai die ‘zoom’ toep af.
- Verwelkom almal vriendelik op die Zoom.
- Bespreek die materiaal wat voorsien word. Alle materiaal word aan die kleingroepe voorsien om die proses so gemaklik as moontlik te maak.
- Skep ‘n geleentheid waar mense vir mekaar kan bid.
Indien jy bereid is om as host / gasheer of gasvrou op te tree is jy welkom om te registreer via “Church Suite” of om Elmar Kok te skakel by 084 625 5368 en ons sal met jou kontak maak en toesien dat jy ten volle toegerus is om n aanlyn groep te lei.