Daar is baie situasies in die lewe wat die wind uit ons seile slaan. Die Life Centre bied gespesialiseerde en gefokusde areas van bediening vir die van ons wat deur moeilike tye gaan. Ons begeerte is om te sien dat elke mens weer voluit sal lewe en in kwaliteit verhouding met God en jou naaste sal leef.

Ons bied die volgende dienste aan

Ek Wil Voluit Lewe

Ek gaan deur ‘n moeilike tyd

As jy deur ‘n moeilike tyd gaan, wil ons Bemoedigers jou graag ondersteun. Vul asseblief ‘n “Praat Met Ons” kaartjie in en gee by info toonbank in. Ons sal jou spoedig kontak en die nodige ondersteuning bied om jou deur die moeilike tyd te help.

SOZO

Sozo is ‘n Griekse woord wat die kombinasie van die drie konsepte, ‘saved, healed and delivered’ beskryf. Die Sozo bediening is daarop gemik om by die wortel uit te kom van dit wat jou dalk kan verhinder om in ‘n intieme verhouding met die Vader, Seun en Heilige Gees te leef. Sozo is nie ‘n beradingsessie nie, maar ‘n tyd van begeleide interaksie met die Vader, Seun en Heilige Gees ter wille van heelheid en vryheid.

HOPE

HOPE is ons kosgee projek. Dit is spesifiek gemik op behoeftige gesinne in ons eie gemeente. Indien jy weet van gesinne wat behoefte het aan kos, bring dit asseblief onder die leierskap se aandag sodat ons vir daardie gesinne kan kospakkies opmaak. 

Grace for Life

Grace for Life is ‘n groeiproses wat mense begelei na gesonde menswees. Van die kern fokusareas gedurende hierdie groeiproses is onder andere die belangrikheid van vergifnis, hoe “reuse” ons perspektief kan verduister en hoe die seer en teleurstellings van die verlede ons kan terughou om voluit te lewe. Grace for Life strek oor 5 weke en word twee keer per jaar aangebied.
Vir meer informasie, kontak – Louis Fourie – [email protected]  072 192 7625

 

Hersteldinamika

Hersteldinamika is ‘n kursus wat ontwerp is om die seer van egskeiding te identifiseer en daarvan genees te word.

Die prosess van 8 weke gebeur in ‘n beskermende omgewing saam met ander persone met soortgelyke ervarings. Die klem is op selfondersoek en die individu se ingesteldheid om mee te werk aan sy eie genesing. God is die beste vakman, as jy bereid is om Hom ‘n geleentheid te gee om jou te help om te genees en te herstel, sal jy ook groei en rigting in jou persoonlike lewe ervaar.

Vir meer informasie, kontak – Louis Fourie – [email protected]  072 192 7625

Ek wil graag help bedien

Ek Wil n' Verskil Maak

  1. Bemoedigers:
    As jy ‘n passie het om te sien hoe ander mense herstel word, dan is die Bemoedigers die plek om jou bediening uit te leef. Reg deur die jaar bied ons opleidingsgeleenthede aan vir ons Bemoedigers sodat ons mense wat deur trauma en krisisse gaan, sinvol kan ondersteun en bemoedig.
  2. Beraders:
    Ons skep graag spasie vir beraders wat hulle passie en tyd hier by Doxa Deo Moot wil gee. Indien jy jou bediening as berader hier wil uitleef kan jy – Louis Fourie – [email protected]  072 192 7625
  3.  Spesialiste:
    Indien jy ook deel van jou bediening hier wil uitleef binne jou professionele kapasiteit, kan jy – Louis Fourie – [email protected]  072 192 7625 sodat ons jou kan deel maak van ons Life Centre prosesse.

HOPE
Jy kan op ‘n gereelde basis ‘n verskil maak in mense se lewens deur HOPE te ondersteun. Die swart HOPE emmers het ‘n lys van produkte binne in. Jy kan so ‘n emmer huis toe vat en dan vul met dit wat op die lysie staan.  Bring die vol emmer kerk toe en los dit voor by die HOPE emmers.  Neem dan weer ‘n leë emmer en herhaal die proses so gereeld soos wat jy kans sien.

Vir enige navrae aangaande die Life Centre, kontak gerus vir – Louis Fourie – [email protected]  072 192 7625

Praat
Met
Ons

Jou Naam (vereis)

Jou E-Pos (vereis)

Jou Telefoon (vereis)

Boodskap