Kids
Baie welkom by Doxa Deo Kids Brooklyn!! Dit is vir ons heerlik om jou deel van ons kampus te hê en ons sien baie uit om julle beter te leer ken!! Ons missie is om jou as gesin toe te rus sodat julle Christus se identiteit kan ontdek.
Ons droom is dat elke kind sy/haar identiteit in Christus sal vestig en ‘n lewende verhouding met God sal hê. Om elke kind toe te rus met die gawes en roeping wat God in elkeen geplaas het en so onsself uit te leef as “City Changers” wat God se liefde uitleef in ons stad vanaf ‘n jong ouderdom.
In elke kurrikulum wat ons doen fokus ons op drie aspekte: “Om God te ken”, “Mense lief te hê” en “Verskil te maak in ons omgewing”. (Knowing God, Loving People and Impacting My World). Vir meer inligting hieroor, gaan na: https://www.doxadeokids.org
Doxa Deo Kids is ‘n plek waar kinders net kind kan wees, ‘n plek waar hulle kan speel en lag, maar bowenal ‘n kerk vir die jonger generasie, ‘n plek waar hulle uitdrukking kan gee aan wat hulle van God ervaar soos wat net kinders kan. Ons droom daarvan dat kinders sal opstaan as “City Changers” in hulle huise, skole en gemeenskap.
Ons het verskillende kommunikasie platforms :
Vir al ons Doxa Deo Kids liedjies gaan na :
Betrokkenheid
Jy kan betrokke raak by die volgende ouderdomme:
- 2 TOT 5 JAAR (Kleutersaal)
- GRAAD R TOT 2 (Hoeksaal)
- GRAAD 3 TOT 4 (Middelsaal)
- GRAAD 5 TOT 7 (Danssaal)
Ons kom elke Sondagoggend 07:00 in die Hoeksaal bymekaar waar ons CARE, SHARE en PRAYER met die span. Daarna help almal om alles op te stel buite op die gras (banners, gazebo en springkasteel) en ook binne in die klasse (uitpak van speelgoed en inkleurpapiere).
Jy kan deel word van die span as FASILITEERDER of HULP FASILITEERDER. Ons vra dat almal wat betrokke is by die Kinderbedining elke tweede Sondag dien by die kinders. Alle lesinhoud word vooraf aan almal gestuur vir voorbereiding.
Jy kan ook betrokke raak by ons REGISTRASIE span waar ons almal verwelkom en inteken op die stelstel (elke kind kry ‘n sticker met sy/haar naam op).
Ons het ook ‘n VERVERSING span wat seker maak dat die kinders op ‘n gereelde basis ietsie lekker kry op ‘n Sondag. Jy kan deel wees van die voorbereiding hiervan en/of die uitdeel op ‘n Sondag.
Elke Sondag na die tweedediens help almal om alles af te slaan.
Kontak :
Vir finansiële bydraes: Doxa Deo Absa Bank. Rekening Nommer: 407 405 7952. Verwysing: BrooklynKids+Naam
Ons wil graag julle as gesin persoonlik leer ken. Maak asseblief ‘n afspraak by [email protected] 0733308899.
Luan Els by [email protected]